Akkúrat núvitund er podcast með núvitundaræfingum, mismunandi löngum svo það henti sem flestum. Núvitund snýst um að vera akkúrat hér, akkúrat núna. Að geta stýrt hugsunum sínum frá annriki dagsins og stillt sig inn á líkama, hug og hjarta í stundarkorn. Hugur okkar er oft meira fjarverandi en á staðnum. Því getur verið ágætt að æfa sig í því að stýra huganum öðru hvoru, í því felst hvíldin. Við getum líkt þessu við að ef hugurinn spilaði 17 útvarpsrásir allan daginn að þá værum við að æfa okkur í því að hlusta bara á eina.