تخيل عندك جزمة بالبطارية، تخليك تجري أسرع شوية، تديك طاقة خزعبالية، تكسب بيها كل الماتشات الدولية.. بس يا تري هتعمل إية لو في يوم نسيت تشحن البطارية؟اسمعوا قصتنا عن الكسل، و النجاح السهل من غير بذل المجهود و علموا أولادكم إن أحلي ما في قصص النجاح هو المجهود و التعب عشان نحقق الهدف.

تأليف و قراءة: نادين جنيدي

أهلا وسهلا بيكم في قصص أطفال النهارده,ودي رحلة في عالم الحكي والخيال…

البودكاست ده معمول بالعامية المصرية من سن 5 ل 8 سنين عشان ننبسط ونضحك ونتخيل ونتعلم يمكن في القصة هدف أو درس بس الاهم ننبسط كلنا.

🎉 اكتشفوا معانا الحواديت العصرية 🎉

مش هنحكى قصص قديمة ولا مش مناسبة لأطفال النهارده ولا رايحين للخيال رحلة بلا عودة زي ألف ليلة وليلة  يلا نغوص في حكايات عصرية شبه حياتنا والقرن ال 21 ..هنحكى عن الصداقة والإبداع وتعرف عن البيئة و ازاي نطور نفسنا وحكايات تانية كتييير.   

💬 بالعامية المصرية 💬

عشان الحكاية تبقى أسهل ومشجعة لمستمعينا الصغننين .الولاد بترتبط أكتر بالحكايات اللي لها علاقة بلغتها اليومية وده بيبني بينهم وبين بطل الحكاية علاقة أعمق وخيال أكبر و حب أكتر.

🌟 تستنوا ايه من البودكاست بتاعنا 🌟

كل حلقة 5 د فيها مغامرة بألوان وخيالات وشخصيات متنوعة .حكائنا الموهوبين هيحكوا حكايات تثير الفضول وتحفز الخيال بشكل مش معقول ..

إحنا مصدقين إن خيال ولادنا هو أملنا في بكره أحلى وخيالهم وحلم النهارده هو حقيقة بكره يلا نغوص في عالم الخيال.

📚 التعليم والمتعة 📚

قصصنا مش بس بتسلي لا كمان بتقول رسايل بشكل طفولي ولذيذ تخلينا نتعلم مع أبطال القصة زنعرف قيم:

زي الطيبة والتعاطف و أزاي نخرج من أي ورطة كل ده هنتعلمه واحنا مش حاسين عشان مع الحدوتة وأبطالها طايرين في عالم الحيال؟

🌈 حصلنا في مغامرتنا 🌈

اشتركوا دلوقتي في قصص أطفال النهارده وانضموا لمغامراتنا اللي بتلهم وتعلم وتسلي. بنقدم كذا حلقة في الأسبوع. عشان تبقوا دايما متشوقين لحكاية جديدة. 

قصص لأطفال انهردة تأليف نادين جنيدي، داني عرفة و  سوبر أبلة.

شكرا إنكم معانا و بتشاركونا  في رحلتنا مع الحكايات. يلا نخلق ذكريات حلوة مع بعض مع كل قصة بنسمعها.