Bonné de Bod spandeer tyd saam met die marienebioloog en die ster agter die Oscar-bekroonde MY OCTOPUS TEACHER. Sy kry kans om saam te duik en die wonderskone Groot Afrika Seewoud te ervaar.
Bonné de Bod vergesel navorser Leanne Venter van die Tshwane-Universiteit van Tegnologie en die span van Noordwes DEDECT, wanneer ’n probleem-luiperd in die Magaliesberg gevang en hervestig word.
Bonné se Bod neem sitplek in langs SANParke se hoof-vlieënier, David Simelane, tydens ’n gevaarlike buffeloperasie in die noorde van die Krugerwildtuin.
Kalm, afgemete en briljant om tandpyn vir wilde diere te verlig. Professor Gerhard Steenkamp nooi Bonné de Bod na die operasietafel, waar hy hierdie geskenk aan ’n poema gee.