Slaptjip en Melissa bespreek die hoogs suksesvolle uitsending van Wolfgang en Lana op Briekaandraai... toe Elfra die nuus breek oor Frans Brink se dood.
Wessel en Otto praat hulle geskille uit oor die kompetisie tussen Windhond en Briekaandraai. Dan verneem Wessel van interessante verwikkelinge in die padkafee.
Elfra gaan sien Otto om met hom oor die aanbod te praat om weer na Windhond toe terug te kom. Wessel daag met interessante nuus op oor die geel motor wat duskant Porseleinberg in ‘n ongeluk was.
Slaptjip se waentjie, Loslootjie, wil nie vat nie, maar gelukkig is Wessel daar om te help. Dan maak Wessel nuus aan Wolfgang bekend wat die duiwel laat losbars.
Wolfgang waarsku Wessel dat die oggendprogram ’n stewige opgradering nodig het maar Wessel stem nie saam nie. Dan takel Wolfgang onverwags vir Slaptjip. Dit is asof die duiwel in hom losgeraak het.
Wolfgang besef Windhond gaan onder en hy maak Otto ’n aanbod vir die koerant. Maar twee hardekoppe, een ’n narsis en die ander ’n diktator, bots liederlik.