Good podcast? Give it some love!
Charlie & Celia
陪你私chatEpisodes
Episodes of 陪你私chat
Mark All
Search Episodes...
因咩事今集Celia咁尷尬呢呢期婚季大家有冇被洗版呢🙊咁啱我地兩個都做咗大家朋友仔嘅姊妹究竟係咩情況呢咁就要快啲聽啦但係好事我哋唔好俾佢停！黎緊應該都會陸續有黎預先恭喜各位要結婚既然嘅朋友仔踏入人生第二階段要幸福美滿喔💗
e最近潮流好似興MBTI大家有冇做過呢？你又了唔了解自己？覺得準唔準呢？有人可能會好奇自己係點而走去做有人可能想人認同自己都係咁既人而去做了解自己而去做更多決定先好似唔會行咁多「冤枉路」定大家都想試下熱血地活呢一生呢？反正人生流流長點都好而且人係善變既了解自己應該係每個人一世學唔完既課題吧
唔知大家嘅青春有咩人同你哋渡過呢？唔多唔少都會有唔同的明🌟陪伴大家成長可能有啲人因為佢哋嘅美貌俾佢哋吸引（就好似我哋兩個咁）有啲係因為佢哋嘅才華有啲可能係佢哋嘅作品因為拉近咗同我哋嘅距離有啲我哋可能都已經唔再鐘意但咩🌟都好慶幸有佢哋嘅出現陪伴我哋渡過無聊嘅時候慶幸有佢哋可以俾我哋同身邊嘅人更拉近距離唔知大家有鐘意過或者追過咩明星呢？有冇啲瘋狅又熱血嘅故事可以分享俾我哋聽呢？大家都可以同我哋講下你哋鐘意過嘅明星同佢哋嘅作品我哋都好想知啊！
「你有壓力 我有壓力大家都有壓力㗎啦 都市人」我都知🤯但係我真係會頂唔順㗎嘛我都以為自己會頂得住㗎但係今次係身體話俾我知原來我唔得啦大家有冇試過因為壓力搞到個身體有嘅話 大家有冇好返啊？😣有壓力唔係我哋嘅錯嚟㗎記得要搵岩自己的方法去舒緩啊人生唔係得一日仲有大把時間俾我哋睇個世界㗎真係頂唔緊真係可以放慢腳步休息一下抖完再衝先會衝更遠㗎💪🏻有事記得要講出聲搵人同你傾下都會舒服啲㗎（可以dm我哋都得㗎）希望大家壓力飛走每日都可以開開心心👻
還我旅行😭每次去旅行都會去到唔想返嚟去旅行就係尋開心去啲自己未去過嘅地方望吓身心都舒暢啲阿去到外國購物慾都特別強見到呢樣又想買嗰樣又想買呢樣又想試嗰樣又想試可能想逃避下係香港嘅壓力雖然咁講但係如果去得太耐其實都有少少想返屋企嘅感覺嘅大家努力賺錢期待下一次去旅行又可以帶嚟乜嘢樂趣呢😜
大家！我哋返嚟啦！！呢幾個月我哋兩個都做咗一啲生活上嘅調適同改變希望喺我哋的人生加返小小色彩每當我哋係一個新環境都需要適應期開始嗰陣會好緊張，好不安但當我哋已經融入咗又會習慣覺得好安穩就算唔開心或者唔如意都可能覺得可以忍因為comfort zone永遠都係最舒服的但可能真係一個好細的原因或衝動就會令我哋作出改變我哋都相信喺過去嘅兩，三年入面有好多人都經歷呢啲重大嘅改變因為改變真係好需要十級的勇氣呢個世界好大我哋都想去見識更多希望如果大家都有改變嘅經
我地兩個為食鬼講起食仲要離哂題OMG大家鍾唔鍾意食嘢㗎?有好嘢食記得話俾我哋兩個聽阿😆
下雨天了怎麼辦我好想訓天陰陰又濕漉漉完全係令人疲倦嘅天氣有冇人鍾意落雨天去踩水？應該得返啲小朋友鍾意？大個咗顧忌多咗人麻煩咗落雨天最鍾意都只係留係室內望住街境個人calm咗好安心好舒服有冇人試過路過啲鐵皮屋雨點滴落鐵皮嘅聲音都隔外好聽世界放慢咗我宜家都放慢到好想瞓各位。。晚安
有冇試過買嘢成日揀唔到邊隻色，邊個款有冇試過食嘢諗唔到食飯好定食麵好行街成日俾人嫌麻煩，呢頭話唔買，嗰頭又話想去返嗰間鋪頭究竟係習慣定真係咁難揀定。。你全部都想要或者需要係垃圾堆入面揀樣冇咁壞嘅如果你都有選擇困難不如全部都唔要算啦又可以慳錢但。。我都係忍唔住會全部要哂，thanks😆
唔知大家有冇係網上買過野或者賣過野呢? 當遇到比人放飛機，或者買到貨不對辦的時，又會點解決呢?上網睇先發現原來只係冰山一角，上網買賣野中伏每日都有。所以我地要有精明眼，希望大家都唔會再中伏!!
新一年祝大家新年快樂！身體健康！心想事成！笑口常開！財源滾滾來！呢一年有我哋繼續陪大家笑笑笑，哇哈哈😆大家記得去我哋個ig留言同投票啦！
大家!!我哋返嚟啦！(今集我哋第一次嘗試遙距錄音，音質可能唔係咁好，可能要大家將就一下)今日年廿九，大家洗咗邋遢未？希望大家都準備好過個肥年祝大家今年繼續旺！旺！旺！小人退散！身體健康！！恭喜！恭喜！
每逢新一年好多人都會比自己有新既目標，新既願望。今年我都想定立一啲目標，令自己有改變💪🏻希望大家新一年都做到自己想做既事
今集我哋化身兩條阿毛，喺度扮代表講飲酒。唔知大家鍾唔鍾意飲酒嘅呢？你哋又知唔知自己酒品係點？飲醉咗係點樣嘅呢？適逢而家呢啲大節，飲酒可能都無可避免，或者可以攞正牌聯繫身邊嘅人。不過飲太多酒都係傷身，大家飲還飲，記得要安全啊，無論係人身安全定係人生安全啦。btw，見到而家個個Channel都講緊回顧同展望，我哋趕唔切啦，點都好，希望大家2023年係一個新開始，定立到新目標啦。
一年容易又聖誕，唔知大家今年有冇開party呢？開party應該唔少得交換禮物啦，你哋今年有冇最想收到咩聖誕禮物啊？我相信大家都應該有收過一啲令你想喊嘅禮物，你哋覺得咩禮物係最伏既？有陣時好似要抽到個份伏嘅禮物嘅時候，往往都好似有一個神秘嘅力量咁，你同份禮物…connect咗呀，感應到你嗰份禮物就係伏嘅。Btw，希望嚟緊大家收到嘅聖誕禮物都係好嘢，遠離伏嘢啦。如果咁唔好彩收到伏嘅，我哋都唔介意同你「分甘同味」，分享一下呢個咁悲慘嘅經歷㗎。🤪
唔知大家起身第一件事會做咩呢？返到屋企第一件事又會做咩先呢？無聊又會做咩呢？睇戲或者劇嘅習慣又係咩呢？有時我地呢啲小習慣可能跟咗我地N廿歲人，但可能都會抵受唔到某啲外在因數去改變左，可能係年紀嘅轉變，可能會因為某啲集體恐慌，都可能因為需要遷就身邊嘅人或同住人，不過改變都冇咩唔好嘅，有啲新鮮感嘛，最緊要係覺得舒服啦。
「圓圈加一點，圓圈加一點，下面畫枝波板糖再畫個呼拉圈」有冇人仲識唱呢首歌？有d年代阿下🙈大家應該唔多唔少細細細個都想身邊有個多啦A夢，有得玩又可以幫我解決好多問題，但係宜家諗返，又覺得多啦A啦幫到我「一步登天」都唔及我自己慢慢經歷，細嘗甘苦。眱，係咪’伯也’講緊野，教訓緊d年輕人🤣哈，成長就要有d經歷個人先有味道㗎，希望大家都係「有味道」嘅人，同我地一齊分享下啦🙈
購物係女人嘅愛好就大家都知啦，我都等緊嗰日可以快啲去日本大買特買啊！買嘢可能就係女人嘅天性，人都係抵受唔到靚既魅力㗎嘛，雖然每個人變成購物狂都有唔同嘅原因，可能係因為壓力大到要發洩，可能係真係好欣賞設計師嘅創作，又可能係純粹中意買，始終買嘢好容易令人揮金如土，所以有一個可以俾到正確suggestion你既朋友要好好對佢阿😆
朋友，我當你一世朋友，但係。。你當我永遠傻仔，總有啲人比較自私，有啲咩真係貪方便就近氹你入局，但係你搵我笨個陣，個心究竟痛唔痛，哈，對你好既人終有一日會對你失望到漸漸離開，人始終係群體動物，到有日身邊嘅人都走哂就唔好後悔。
自信是個好東西，我諗。。係香港呢個社會好似好多野都會慢慢剝削一個人由細到大儲落嘅自信心，細個好易俾人讚，但越大越覺得自己比唔上其他人，就係呢個社會樣樣野都要比較，做下自己都好似錯咗咁，或者呢個可能係人嘅妒忌心作祟，或者可能已經係一個現象，因為前一代人係咁，後代都會繼續係咁，所以將呢個思想繼承落去，導致宜家好多年輕人都好似冇咩自信。呢集唔係想笑迷之自信嘅人，反而係有啲羡慕佢哋唔會理世界嘅眼光，繼續做自己，彰顯自己。希望大家都可以做到佢哋咁，但都係自信就夠了，多咗就變咗質了，相信大家都希
細細個就怕測驗考試、怕俾爸爸媽媽鬧，到大個左以為冇有怕，反而怕既野冇少到，怕同人相處、怕學新野… 其實每個階段都有怕既野，係成長既一部分，所以唔洗怕既🤪(凡事唔係絕對嘅，其實又有咩好怕喎!)
唔知係咪每個人都會有少少強迫症，你哋又有冇啊？我諗作為香港人嘅我哋，應該唔多唔少都會有啲強迫症，話晒我哋都係全世界排名數一數二壓力大嘅城市。好似咩……潔癖啊、出門要檢查好多次自己有冇帶電話、鎖匙、銀包咁，原來強迫症其實都係一種對於自己生活嘅一啲焦慮嘅表現。所以大家都係唔好逼得自己咁緊啦，我都明有啲嘢自己其實控制唔到嘅，香港人放鬆啲啦！
Join Podchaser to...
- Rate podcasts and episodes
- Follow podcasts and creators
- Create podcast and episode lists
- & much more
Unlock more with Podchaser Pro
- Audience Insights
- Contact Information
- Demographics
- Charts
- Sponsor History
- and More!
- Account
- Register
- Log In
- Find Friends
- Resources
- Help Center
- Blog
- API
Podchaser is the ultimate destination for podcast data, search, and discovery. Learn More
- © 2024 Podchaser, Inc.
- Privacy Policy
- Terms of Service
- Contact Us