Dópgreni hippanna eða merkileg tilraun til að skapa nýtt samfélagsform? Alveg frá stofnun Kristjaníu hafa andstæðar lýsingar á fríríkinu ratað til Íslands gegnum fréttir og fjölmiðla og frá upphafi hafa ungir Íslendingar sótt þangað til að búa um lengri eða skemmri tíma. Sumir voru bara að leita að góðu partíi, aðra langaði að taka þátt í að breyta heiminum. Og Í Kristjaníu gat það vel farið saman. Í þessum þáttum verður farið á hlaupum yfir sögu Kristjaníu, aðdraganda og upphaf, sigra og ósigra, og reynt að draga upp mynd af lífinu þar eins og íslenskir Kristjaníubúar upplifðu það.Umsjón: Jón Hallur Stefánsson.