Mga Hebreo 6:4-8 • 8AM • Eddie Labios Jr. | Ang may-akda ng Hebrew ay nagturo na sumulong at magpatuloy sa paglago ang mga sinulatan mula sa mga pangunahing katuruan hanggan sa mga pagkaing espiritwal na marapat sa mga maglalago na. Ang lahat ng sumasampalataya ay dapat lumago at tumigil sa mga aral na pang-sanggol sa pananampalataya o sa mga aral na nagdadala upang mapalayo.

Mula sa simula ng sulat na ito, ang may akda ay nagpaliwanag ng kadakilaan ni Cristo kaysa Judaismo. Sa maraming bahagi ng sulat, siya ay nangaral ng mahigpit at binalaan ang mga sinulatan na huwag silang lumayo o iwan ang kanilang pananalig kay Cristo. Ginawa niyang halimbawa ang mga napalayo, na sila’y imposible nang mapanumbalik sa pagsisisi dahil inilalantad nila sa khihiyan ang Tagapagligtas. Siya ay nagbabala sa sinumang napapalayo na dadanasin nila ang sumpa at sila’y masusunog.