Mga Hebreo 6:13-20 • 8AM • Eddie Labios Jr. | Ang may-akda ng Hebreo ay nagpabatid sa mga sinulatan na huwag maging tamad, sa halip ay sundan nila ang halimbawa ng mga taong nagkakamit ng mga pangako sa pamamagitan ng pananalig at pagtitiis. Sa paksa, ibinaling ng may-akda ang atensiyon ng mga bumabasa sa panunumpa at pangako ng Diyos. Upang mapagtibay ang sumpaan, ang mga tao ay nanunumpa sa ngalan ng isang nakahihigit sa kanila. Sa dahilan na wala nang hihigit pa sa Diyos, Siya ay nanumpa sa Kanyang sarili. Tinuruan ng may-akda ang mga mananampalataya na mararanasan nila ang parehong katayuan ni Abraham, na masunurin at matiyagang naniwala. Gayunman, ang pagkakaiba ay dapat manalig sa katuparan ng pangako ang mga mananampalataya na walang iba kundi si Cristo. Ang may-akda ay bumalik sa paksa tungkol sa pagiging Saserdote ni Cristo ayon sa pagkasaserdote ni Melquisedec.