80後【妹玫】由哈日年代開始，自學日文然後去日本短期留學3個月，9年之後仲可以去埋日本工作1年多；同90後【阿魚】小時候同朋友玩扮大長今裡面行禮，中學時代跌入Kpop嘅坑，大學時選修韓文，依家去韓國溝通算係暢通無阻。兩個唔同年代嘅人，學唔同嘅語言，但有一樣嘅熱情同貪玩心情，去分享各自所愛，感受文化差異嘅奧妙。