'n Bybelse boodskap om jóú as Christen te bemoedig in die wete dat God ín jou is, bý jou en jou sal onderskraag en genade gee vir elke dag. Ek self het weerbarstig en eiewillig wye kronkelpaaie gestap vol duwweltjies, klippe en afgronde, waar ek telkens my kop en tone gestamp en knieë nerf-af geval het. Maar God het my elke keer heelhuids anderkant uitgebring, al was dit met geknakte ego en gekneusde selfbeeld. Hierdie is my onvoorwaardelike getuienis van God se goedheid, my diens aan Hom.