#07 Kaixomaitia, zer duzu?

Zuzeu Podcastek eta Kaixomaitiak aurkezten duten podcasta da "Kaixomaitia, zer duzu?", euskal herritarron harreman afektibo eta sexualei buruzkoa.

Zazpigarren saioan, Kaixomaitia harremanen atariko Iñigo Arandia eta Harremanak osasun zentro integraleko Olatz Berastegi sexologo eta psikoterapeutarekin  2020ko "Euskal Herritarron harreman afektibo eta sexualen inguruko ikerketa"-ren emaitzak aztertzen jarraitzen dugu.

Bizitza Sexuala atala aztertzen jarraitu dugu, eta horixe izango dugu mintzagai hurrengo saioan ere. Hauexek dira honakoan aletu ditugun galderak:

G31 - Zein da zeure zoriontasun maila momentu honetan zeure bizitza sexualari dagokionez?
G32 - Zein adinekin izan zenuen zeure lehenengo harreman sexuala?
G33 - "Lehenengo gauean" izango zenuke sexu harremanik?
G34 - Pornografia kontsumitzen baduzu, zer maiztasunez egiten duzu?
G35 - Batzuetan, pertsona batzuek sexu harremanak izateko ordaintzen dute. Zuk ordaindu al duzu inoiz?
G36 - Zure sexu bereko pertsonekin izan duzu inoiz harreman sexualik?