Föstudagsgestir Mannlega þáttarins voru tveir í þetta sinn, eða öllu heldur tvær. Það voru þær Saga Garðarsdóttir og Snjólaug Lúðvíksdóttir. Þær standa saman að uppistandssýningunni Allt eðlilegt hér þar sem þær ætla að flytja grín fyrir djókþyrsta áhorfendur. Í lýsingu á viðburðinum segir: Saga er gift, með barn og elskar hrökkbrauð en Snjólaug er einstæð og elskar að borða ís og reyna við fólk. Við áttum skemmtilegt spjall við þær um lífið og tilveruna, æskuna og uppeldið og ferðalagið í gegnum lífið til dagsins í dag. Matarspjallið var svo á sínum stað. Sigurlaug Margrét kom til okkar og við skoðuðum, í ljósi hækkandi verðs á matvöru, eitthvað einfalt, gott og ódýrt fyrir helgina. Það var til dæmis kastað fram uppskriftum að fljótlegum pastaréttum. Tónlist í þættinum í dag: Falleg / Snorri Helgason (Snorri Helgason og Hallgrímur Helgason) Kringlubarnið / Saga Garðarsdóttir, Halldóra Geirharðsdóttir og Snorri Helgason (Snorri Helgason) Negril / Bjartmar og Bergrisarnir (Bjartmar Guðlaugsson) Heroes / David Bowie (David Bowie og Brian Eno) UMSJÓN: GUÐRÚN GUNNARSDÓTTIR OG GUNNAR HANSSON