Karien woon ‘n partytjie by wat sy nie verwag het nie. Skurke kom hul Moses tee. Piet gee terugvoering. Johan kry die ja-woord, maar Gerrit dop ‘n toets in die protokol van die liefde.
Piet, Mariaan en Gerrit ontmoet vir Johan in Macau. Mariaan neem onwillig van Gerrit afskeid wanneer hy terugreis na Bangkok en sy na Suid-Afrika. Sy skok haar ma met ‘n skielike uitnodiging. Ivan vra moeilike vrae vir Johan.
Mariaan soek foto’s, Gerrit soek skurke, Piet soek inligting en Johan soek ‘n bank met ‘n hysbak waarin hy op en af kan ry sodat hy nie saam met Piet gesien word nie.
Karien en Mariaan loop hulle vas in sekuriteit by ‘n Karooplaas, maar gaan daarna self agter slot en grendel, om saam met Piet en Johan te besin oor hulle volgende optrede.
Johan kry by Ivan ‘n snaakse opdrag wat niks met sy werk as ouditeur te make het nie. Karien en Mariaan word op ‘n missie na ‘n plaas in die Klein Karoo gestuur.
Ivan en Johan vier Johan se indiensneming en Johan word baie nuwe dinge wys wanneer hy, saam met ‘n aangeklamde Ivan, laatnag sy pa se kantoor besoek, en te veel kwyt raak.
Lydia maak ‘n plan om Gerrit vanuit die tronk te skakel, en Mariaan kry kans om met Johan te gesels oor Lydia se liefde vir Johan en haar gevangeneskap in Bangkok.
As Mariaan in Suid-Afrika aankom, besef Gerrit en Mariaan eers hoe lief hulle mekaar het. Johan wil slange vang as hy agterkom wat Ivan se houding teenoor Lydia en haar tronkstraf is.
Piet besoek Bangkok met briewe vir Lydia, maar loop hom vas in goeie en slegte nuus. Mariaan kom agter dat die skurke alles in verband met Piet se koms na Bangkok weet.
Ivan vergeet iets in Johan se motor en Johan maak die beste gebruik van die kans. Johan hoor vir die eerste keer van ‘n misterieuse plaas in die Klein-Karoo.