Sinatura do convenio entre a Universidade de Vigo, o Consorcio Galego de Servizos de Igualdade e Benestar e o Concello de Vigo. No ano 2010 unha escola infantil integrada na rede de galescolas abrirá as súas portas no campus vigués. Cun total de 82 prazas de 0 a 3 anos, das que o 75% estarán reservadas para membros da comunidade universitaria, o centro contará cunha inversión total de millón e medio de euros dos que a Universidade de Vigo achega o 60% e o Consorcio Galego de Servizos de Igualdade e Benestar o 40%.