Ár eru mismunandi og þegar fram líða stundir fá einstök ártöl yfir sig sérstakt yfirbragð í sameiginlegu minni okkar. Nú eru 10 ár liðin frá árinu 2007 sem hefur orðið einhvers konar viðmið um það meinta góðæri sem þá ríkti.Hvernig hugsum við um þetta ár nú þegar tíu stormasöm ár í lífi þjóðarinnar hafa liðið? Hver er ímynd ársins 2007 í huga landsmanna og hvernig var þetta ár í raun og veru? Um þetta og fleira er spurt í þættinum.Viðmælendur í þættinum eru Markús Þórhallsson sagnfræðingur og dagskrárgerðarmaður, Linda Vilhjálmsdóttir ljóðskáld, Guðfinnur Halldórsson bílasali og Dóra Guðrún Guðmundsdóttir sérfræðingur í hamingju hjá Embætti landlæknis.Umsjón: Guðni Tómasson.