Ang sumulat ng Hebreo ay nagbigay babala sa sinumang mabigo na hindi makapasok sa kapahingahan ng Diyos dahil sa hindi pananalig. Sila ang lahi na nagdusa dahil sa hustisya ng Diyos. Sa Kanyang poot, sila’y hindi nakapasok sa Kanyang kapahingahan. Sa mata ng Diyos ang kawalang pananalig ay kahinaan. Ito’y kasamaan na kinapopootan ng Diyos. kaya’t ang hustisya ng Diyos ay ibinagsak sa kanila. Kaya nga ang may-akda ng Hebreo ay nagpaala-ala sa kanila na matakot habang may panahon pa. Karamihan sa kanila ay hindi tinanggap ang pangakong kapahingahan (tal.1). At ang pangakong kapahingahan ay matatagpuan sa Panginoong Jesu Cristo lamang, ang Anak ng Diyos, na tinawag ng Diyos, na Diyos.