Ino ndi dirama ntswa I no do thoma nga Musumbuluwo wa la 8 Shundunthule. Kha dirama hei, I khou sumbedza vhudi na vhuvhi ha u shumisa zwileludzi zwa vhudavhidzani.Gada li khou vuwa vhukati ha vhana, musi vha tshi shumisa zwileludzi izwi u vhona zwi no iledzwa vha thangana ya murole. Hafha ri wana mutambi Budah, tshipida tshi no khou tambiwa nga Lufuno Meregi u bva Tshilapfene Mungidini, a tshi vusa gada tshikoloni nga u da na lutingo lwawe hune vhana vha kuvhangana u vhona zwi sa vhonwi.U lulamisi mugudiswa uyu, thoho ya tshikolo Vho-Muritho, vha shushedza nga thamu, mashudu mavhi lufhanza lwa dzhena itoni la nwana. Tshiwo itshi tshi phandalala nga zwenezwi zwileludzi zwa vhudavhidzani, zwa ita uri mushumo wa thoho ya tshikolo u vhe luthatheni.Zwenezwi zwileludzi zwa vhudavhidzani, zwi fhiritanya thoho mufumakadzi Vho-Marie, vho malwaho nga tshitundulume Vho-Noto hu khou liwa mapfura mudini, fhedzi na Tshivenda tshi ri tshi vheaho mudi ndi khana mapfura a fhaladza mutumba. Nga nwambo wa zwileludzi zwenezwi, mudi u mbo sala u madumba.