Þriðja skáldsaga Álfrúnar Gunnlaugsdóttur sem kom út 1987. Öldruð kona, Elínborg, Ella eða Bogga, lítur yfir farinn veg og þræðir saman minningarbrot. Úr verður frásögn sem í fyrstu er ekki auðvelt að henda reiður á. Hlaupið er fram og aftur í tíma og rúmi og framvindan stýrist af minni og tilfinningalífi sögukonu sem á stundum streitist á móti í upprifjuninni, svo sárar eru minningarnar. Hringsól var tilnefnd til Bókmenntaverðlauna Norðurlandaráðs 1991.Vigdís Hrefna Pálsdóttir les.